Χριστός γεννέθεν χαράν σον κόσμον
χα καλή ώρα ,καλή σ’ημέρα
χα καλόν παιδίν οψέ “γεννέθεν.
Οψέ “γεννέθεν , κι ουρανοστάθεν
τον εγέννεσεν η Παναγία
τον ενέστεσεν Αι-Παρθένος .
Εκαβάλκεψεν χρυσόν πουλάρι
κι εκατήβεν σο σταυροδρόμι
σταυροδρόμι και μοιροδρόμι.
Έρπαξαν Ατον οι σχιλ” Εβραίοι
σχίλ” Εβραίοι και μύριοι Εβραίοι
σχίλ” Εβραίοι και μύριοι Εβραίοι.
Ασά ακρέντικα κι ασήν καρδίαν
αίμαν έσταξεν , χολή κ” εφάνθεν,
ούμπαν έσταξεν, και μύρος έτον.
Εμυρίστεν ατό ο κόσμος όλεν
για μυρίστ ατο κι εσύ αφέντα
συ αφέντα καλέ μ” αφέντα .
Έρθαν τη Χριστού τα παλληκάρια
και θυμίζνε τον νοικοκύρην
νοικοκύρη μ” και βασιλέαν.
Δέβα σο ταρέζ κι ελα σην πόρταν
δος μας ούβας και λεφτοκάρυα
κι αν ανείς μας χαράν σην πόρτα σ’.
Καλά Χριστούγεννα και σ’έτη πολλά!
Ηλιάνα Τσ. Ε΄1
